Mungmyit Sinli ga, Hpyen yen dabang nkau shara nkau ni hta mayak mang hkang nga ai rai nna, Garum ning tum hpung nkau mung hpyen yen mung shawa ni hpe garum ai lam dawm jahkring ai lam nga ai re hpe chye lu ai.
Nampaka mare kaw hpyen koi yen nga Mung shawa ni hpe ICRC Uhpung ni kaw nna hpung nba ni garum jaw ai lam nga ai raitim, dai ning gaw lai wa sai shaning na zawn Nampaka hpyen yen dabang kaw sha n-ga kaga hpyen yen dabang ni hta mung ra ai lam hpe tang du n-garum jaw ai lam Napaka hpyen yen dabang lit hkam Sara Num Me Ri Yam tsun ai.
Hpyen yen dabang ni hta garum jaw garum ya nga ai Save the Childen Uhpung ni dawm jahkring kau sai lam ni nga ai rai nna, WFP Uhpung ni mung 2019 ning htum ai hte shan hte a garum jaw ai lam hpe dawm jahkring wa na masa nga ai majaw hpyen yen mung shawa ni grai myit tsang ai lam nga ai hpe chye lu ai.