Mungkan Shinggyim Ahkaw Ahkawng Lam Hte Seng Nna Hkaw Tsun Hpawng Galaw

71 lang na mungkan shinggyim ahkaw ahkang masat n htoi rai nga ai Decembre 10 ya shani hta Kuthkai Pyi Htawng Su Gawknu kaw shinggyim ahkaw ahkang lam hte seng nna Hkaw tsun lamang galaw ai lam chyelu ai.
Ndai lamang hpe Mungmyit sinli Htunghkying hpung ni, Nawku hpung ni hte Shan State Kachin National Network ni woi awn galaw ai rai n htawm,Shinggyim ahkaw ahkang hte seng nna hkaw tsun ai lam hpe Sara Mya Aye (FDF Yangon) kawn sa du hkaw tsun ai lam, Mungkan kawn masat da ai shinggyim ahkaw ahkang lam gaw mung chying mung shawa yawng mung chye na da ra ai re majaw ndai masat n htoi lamang hkaw tsun hpawng galaw ai re lam Lamang shabyin shatai Komiti Sara Num Lum Nyoi tsun ai.
Anhte Ginra hta grau nna amyu sha ni gaw lam amyu myu hku nna shinggyim ahkaw ahkang tawt lai hkrum nga ai re raitim tinang lu ai ahkaw ahkang ahkang hpe gwi gwi tsun shapraw na matu grai naw hkrit ai majaw hkam sha ra nga ai re majaw n hkrit n tsang ai sha gwi gwi tsun shapraw ra ai lam du sa ai Sr kaw nna mung atsawm tsun lang dan ai lam Sara Num matut tsun dan ai.
Hkaw tsun hpawng lamang hta Myen asuya hte seng ai magam dap ni, hpe mung saw shaga da nna galaw ai re hte hpawng hta Mung shawa 500 jan sa du shang lawm ai lam chye lu ai.

Leave a Reply

Your email address will not be published. Required fields are marked *