Lung Tsut hpyen yen Mung shawa ni lum palawng hte tsi mawan ra kadawn nga

Putao ginwang, Lung Tsut mare hpyen yen camp kaw shanu nga ai hpyen yen Mung shawa ni lum palawng hte tsi mawan ni ra kadawn nga ai lam na chye lu ai.

“Putao ginra gaw kashung dik ai ginra re majaw lum palawng alaw alam n nga ai majaw yak nga ai, asak kung gumgai dingla ni hte Ma kaji ni machyi makaw hkrum ai hta sunglang na tsi mawan ni mayak nga ai. Malu masha ni a matu mung Gumhpraw hku sha htuk jaw ai re majaw kaga arung arai ni, si maw si mai ni a matu mayak nga ai” nga nna Lung Tsut dabang lithkam Sara Hpung Thing tsun ai.

Ya aten Lung Tsut hpyen yen dabang kaw shanu nga ai Mung shawa ni gaw Nhka Ga mare, Mabyung mare, Nhpyi Ga mare hte Pagan Yang mare na Mung shawa ni htinggaw 60 jan nga ai rai nna masha marai 280 nga ai hta Asak kung gumgai dingla ni hte Ma kaji ni marai 172 nga ai re hpe chye lu ai.

Leave a Reply

Your email address will not be published. Required fields are marked *