Lagaw Lata Hkumhkrang daw chyen sum mat ai ni hpe madi shingdaw arung arai garum jaw na

Majan a majaw Lagaw Lata Hkumhkrang daw chyen sum mat ai ni hte lawnglam amyu myu a majaw hkumhkrang daw chyen sum mat ai ni hpe manu jahpu nla ai sha Sawt Ai Lagaw Lata hte kaga shingdaw jaw ya lu ai arung arai ni hpe ICRCS wuhpung wuhpawng kaw na garum jaw sa wa na lam nga ai hpe chye lu ai.

Sawt ai Lagaw Lata nlu ai majaw jamjau hkrum ai Hkumhkrng daw chyen sum mat ai kahpu kanau nkau lahpa npu kaw madi (ဂ်ိဳင္းေထာက္) lang ai daw hkrawng hte sha shingdaw nna hkawm sa ai a majaw aten na na rai yang hkamja lam hkra wa ai lam nga ai, ndai lam ni hpe garum lu na matu myit yaw shada nna galaw ai lam re hpe ICRCS kaw na magam gun Sara Nbrang Pyi Awng Myo San tsun shana wa ai.

Garum madi shadaw ai shara hpe Myitkyina ICRCS kaw na hpaw da ai Center kaw dai ning kaw na hpang nna garum sa wa na re hte garum hkam la na ni a malu masha hkawm sa hkawm wa hte shimlum lam a matu mung hkyen shajin da ai lam nga ai hpe Sara matut tsun dan ai.

Garum jaw sa wa na arung arai ni gaw Sawt ai Lagaw Lata hkrang, Leng lawm ai dung lahkum hte lam hkawm shingdaw ai baw daw hkrawng hpan ni hte garum hkamla na wa hta ra ai madi shadaw arung arai ni rai na re hpe chye lu ai.

Garum hkamla mayu ai kahpu kanau ni hpe matut mahkai wa na matu Phone No. 0945947176 kaw matut mahkai wa mai ai lam ndau da ai re hpe mung chye lu ai.

Leave a Reply

Your email address will not be published. Required fields are marked *