Miwa Gumsan Mungdan a Dat Kasa Salang Sun Guo Xiang woi awn ai hpung ni hte KIO Ginjaw Salang ni hkrum

Laiza Muklum Padang Rung Zuphpawng Gawknu kaw January 10 ya shani hkying 10:10am aten hta Miwa Gumsan Mungdan a dat kasa Salang Sun Guo Xiang woi awn ai hpung ni hte KIO Ginjaw Salang ni hkrumzup ai lam chye lu ai.

KIO Tingnyang Up, KIC Ningbaw Kaba Nban La kaw nna Salang Sun Guo Xiang woi awn hpung ni hpe hkap tau hkalum ga shaga ai hpang KIO Ginjaw Komiti, Ninggawn Amu Madu Sara Kaba Kumhtat Hting Nan kaw nna Ginjaw Salang ni hpe shachyen ya ai lam ni galaw ai rai nna ya ten na KIO a simsa lam hte seng ai zuphpawng a lam hpe mung tsun sanglang dan ai lam chye lu ai.

Salang Sun Guo Xiang  kaw nna mung Laiza Muklum de du sa ai lam gaw Miwa Htunghking shaning ningnan du wa sai re majaw Htunghking jinghku masa lam hku nna sa jahkrum let Myen Mungdan a simsa lam hta mahtai kaja lu na matu myit mada ai lam tsun ai re. Dai hpang KIO Ginjaw salang ni hte shat da mi jawm sha let Miwa gumsan mungdan de bai nhtang wa mat sai lam chye lu ai.

 

Leave a Reply

Your email address will not be published. Required fields are marked *