Jinghpaw Wunpawng ramma ni a sut hpaga gamung dup hpawng lamang galaw na

Myitkyina, Shatapru Manau Wang, Majoi gawknu kaw January 18 ya shani Jinghpaw Wunpawng ramma ni a sut hpaga gamung dup hpawng lamang galaw na lam na chye lu ai.

Ramma ni a sut hpaga gamung dup hpawng lamang hpe Kachin National Youth Network kaw nna woi awn galaw na rai nna Jinghpaw Wunpawng ramma ni yawng tinang a kan bau magam bungli galaw lu na matu hte tatut magam bungli galaw sa wa yang tinang a myit machyan zinghkri hpe lu la na matu galaw ai re lam Jinghpaw Wunpawng ramma hpung zinghkri amu madu Saranum Sut Seng Htoi tsun dan ai.

Hpawng lamang hta Kachin ramma ni shakut shaja galaw taw nga ai magam bungli madun ai lamang ni mung galaw na rai nna Myitkyina mare kaba kata na sut masa gat lawk hta awng dang nga ai ni kaw nna sa du shanglawm bawngban hpaji jaw ai lamang ni galaw na re lam chye lu ai.

Hpawng lamang hta Hpakant, Myitkyina, Putao, Manmaw hkan chyam bra nga ai Jinghpaw Wunpawng ramma ni yawng sa du sharin bawngban mai ai re hpe mung chye lu ai.

Leave a Reply

Your email address will not be published. Required fields are marked *