(27) lang na Wunpawng Mungdan Shanglawt Kongsi zuphpawng galaw

(27) lang na Wunpawng Mungdan Shanglawt Kongsi zuhpawng hpe January 14-21 ya shani du hkra Laiza Muklum, Padang hkrunlam Majan Masing Woi Awn Rung gawknu kaw galw ai lam chye lu ai.

Ndai hpawng hpe Wunpawng Mungdan Shanglawt Kongsi Ningbaw Kaba Du Daju Jum Nban La kaw nna woi awn nhtawm Wunpawng Mungdan Shanglawt Kongsi Salang ni rai nga ai KIO Ginjaw Komiti Salang ni, Magam Dap Lit Hkam ni, Ginwang Ginjaw Up Hkang Du ni, Wunpawng Mungdan Shanglawt Hpyen Dap Dap Ba Up ni, Wunpawng Mungdan Shanglawt Amyu Shayi Hpung kanu kana ni hte laksan saw shaga da ai myitsu salang marai (45) sa du lawm ai lam chye lu ai.

Hpawng hta Wunpawng Mungdan Shanglawt Hpung kata hkyak hkyak dawdan la ra ai magam bungli masing ni, Magam Dap ni hta gram sharai ra ai, hpaw shagrin la ra ai lam masan ni, Lai wa sai ten shapraw da sai Kongsi tara ni hpe gram sharai, jahkum shatsup la lu na matu nhtang maram dinglik ai hte Wunpawng Mungdan Shanglawt Kongsi a gaw da tara ni hpe bawgban ai re lam chye lu ai.

Leave a Reply

Your email address will not be published. Required fields are marked *