IEd jawng kaw nna hpaji jawng ni hta jawng sharin sara ni hte seng ai data hkan hta hkahkyin ai lam galaw

Hpaji jawng sharin sara ni hpe shalat ya nga ai Mai Ja Yang Institude Of Education jawng kaw nna hpaji jawng ni hta magam gun nga ai jawng sharin sara ni a ra ningra ai lam ni hte ningtawn ai lam ni hpe chye lu na matu Data hkan hta hkahkyin ai lam hpe ndai shata laman galaw nga ai hpe chye lu ai.

IEd sara tai jawng kaw nna jaw ya dat ai hpaji ni hpe lata tut hta jai lang nga ai Jawng Sara ni hta ra ningra gawngkya ai lam ni hpe chye lu na matu hte Jawng kaw sharin nga ai ladat ni hpe gram sharin ya lu na matu Data hta kahkyin ai lam re lam IEd jawng up Sara kaba Nnye La Raw tsun ai.

Ya hta la lu ai Data ni hta mahta nna IEd Jawng a rawt jat lam hte jawng a 5 ning bungli masing ka jahkrat ai hta mung jai lang lu na matu yaw shada ai rai nna Data hta ai ladat hta sara ni a ntsa jawngma ni mu ai ningmu, IEd jawng yu nre ai kaga sharin Sara jawng yu ai Jawng Sara manang ni a ningmu, Jawng up a ningmu, Hpaji Du ni a ningmu ni hpe kahkyin nhtawm maram masam ai lam hpe galaw sa wa na re lam Sara matut tsun ai.

Data hta hkahkyin ai lam hpe Ginjaw Ginra Ginwang Ginjaw kata na jawng ni, Sinpraw Ginwang Ginjaw kata na jawng ni hte Dingda Ginwang Ginjaw kata na jawng ni hta, sa du hta kahkyin ai lam hpe galaw nga rai nna January 21ya shani hta Laiza muklum lahta tsang jawng kaw hta kahkyin ai lam hpe galaw nna January 22 hte 23 ya ni hta Je Yang, Hpunglum Yang hpaji jawng ni hta Data hta kahkyin ai lam hpe matut galaw na re hpe chye lu ai.

IEd Sara Shalat jawng hta sharin hkamla nga ai jawngma ni marai 400 jan nga ai re hpe mung chye lu ai.

Leave a Reply

Your email address will not be published. Required fields are marked *