Hkrunlam galu hkawm hkamjan atsam marai madun shingjawng lamang galaw

(60) Lang na Mung shawa Shanglawt Rawt Malan Masat Ninghtoi, February (5) ya hpe madi shadaw hkaptau hkalum shagrau ai hku nna K.I.A Masat (5) Dap Ba Daju hte npu tsang Dap Dung (18, 19, 24, 25, 30) kaw na magam gun ni February 3 ya shani Hkrunlam galu hkawm hkamjan atsam marai shingjawng lamang galaw ai lam na chye lu ai.

Hkrun lam galu hkawm hkamjan atsam marai shingjawng ai lamang hta Dap Ba/ Dap Dung ni kaw na magam gun marai 2 hpra lata shaw la nhtawm laknak hkum (Full Arms) hte February 3 ya jahpawt hkying 6:10 Am aten hta Masat 25 Dap Nawng Dap Dung (HQ) Pungling Bum kaw nna shingjawng hpang ai rai nna, Alaw Bum, Hpun Lum, Lazau Bum, U Ra Bum mawdaw lam hku nna Dap Ba Daju Kadaw Bum kaw du hkra deng (31) hkawm shingjawng ai re hpe chye lu ai.

Shanglawm shingjawng ai magam gun ni hta na Masat (18) Dap Dung kaw na Gyi Labang Dau Hkawng hte Hpyenma Luksing Chang Hkaw yan gaw shana maga hkying 2:48Pm aten hta Masat (5) Dap Ba Daju kaw du shang nna No. (1) lu ai re. Masat 25 Dap Nawng Dap Dung kaw na Lat Gyi Hpaure Nun hte Lakum La Ba yan gaw shana maga hkying 3:00Pm aten hta Masat (5) Dap Ba Daju kaw du shang wa nna No.(2) lu ai hte Masat (30) Dap Dung kaw na Gyi Lahpai La Hkun hte Lat Gyi Maran Naw Hkan yan gaw shana maga hkying 3:14Pm aten hta Masat (5) Dap Ba Daju kaw du shang wa nna No.(3) lu ai lam na chye lu ai.

Shingjawng lamang hta nambat lu ai magam gun ni hpe February (5) ya Rawt Malan Masat Ninghtoi hta KIO Ginjaw Komiti Tingnyang Up a Rawt Malan Mungga hkamla ai hpawng hta shagrau sha-a na re lam na chye lu ai.

Leave a Reply

Your email address will not be published. Required fields are marked *