Myitkyina kaw 60 lang na Mung Shawa Shanglawt Rawt Malan Masat Ninghtoi lamang galaw

Myikyina, Nawng Nang, Jaw Bum kaw February 5 ya shani 60 lang na Mung Shawa Shanglawt Rawt Malan Masat Ninghtoi Wunli Sharawt akyu hpyi hpawng lamang galaw ai hta  Myitkyina, Waingmaw hte ni nawn ai mare buga hkan na makam masham n ging hka ai Mung shawa ni marai 4000 daram sa du shanglawm ai hte galaw ai lam chye lu ai.

Myitkyina kaw 60 lang na Wunpawng Mungshawa Shanglawt Rawt Malan Masat Ninghtoi galaw lu na matu Wunpawng Mungbawng Rapdaw kaw nna WMR Ramma Komiti hpe shatsam ai hte WMR Ramma komiti kaw nna lamang hpe woi awn galaw ai re hpe chye lu ai.

Lamang hta Wunpawng Mungdan Shanglawt Hpung Ginjaw Komiti Tingnyang Up Du Daju Jum Nban La a Wunpawng Mung Shawa Shanglawt Rawt Malan Masat Nhtoi Mungga hpe madat hkam la ai lam galaw nhtawm lamang hpe woi awn galaw ai re hpe chye lu ai.

Lamang hta Rawt Malan Nhtoi hte seng ai gamung naura madun ai lam nga ai rai nna makam masham hpung shagu na hpung woi Sara ni akyu hpyi woi awn ai lam galaw ai re.

59 ning hpring 60 lang na Mung Shawa Shanglawt Rawt Malan Masat Ninghtoi hpe Wunpawng Mungdan shara shagu hte Wunpawng myu sha ni nga ai mare buga ni hta galaw ai lam nga ai rai nna Myitkyina mare kaba kaw du wa na shaning ni hta matut galaw sa wa na lam nga ai re hpe mung chye lu ai.

Photo Credit; KBC Kachin’s FB

Leave a Reply

Your email address will not be published. Required fields are marked *