Sang Hka Nawku jawng wang lamu ga hpe Mya U Yin Lungseng Company ni sa kum la

Hpakant, Sang Hka mare hkalup hpung nawku jawng wang kata kaw Mya U Yin Lungseng Company ni lamu ga Pe 100 jan hpe wang nhpan sa kum la ai lam galaw wa ai re hpe buga na masha langai shana wa ai kaw na chye lu ai.

Ndai malu ga kaw lai wa sai shaning hkan e, Mya U Yin Lungseng company ni mawdaw lai na matu lai lam garum hpyi lang ai shara rai nna 2020 February 6 ya shani kaw nna nawku hpung de tsun shana ai lam n nga ai sha wang nhpan sa kum masat ai lam galaw wa ai hpe Sang Hka mare na hpung masha ni, February 8 ya shani, wang nhpan sa run kau ya ai lam nga ai hpe mung chye lu ai.

Wang nhpan hpe run ai ten Mya U Yin Company kaw na Myen Balik ni sa du shaga ai lam nga ai rai nna hparan jasan ai lam galaw sa wa na re hpe mung chye lu ai.

Leave a Reply

Your email address will not be published. Required fields are marked *