Mya U Yin Lungseng Company ni kum la ai Sang Hka nawku jawng wang lamu ga hpe bai jaw sai

Hpakant, Sang Hka mare hkalup hpung nawku jawng wang kata na lamu ga Pe 100 jan hpe Mya U Yin Lungseng Company kaw nna wang nhpan shang kum masat la ai hte seng nna Februay praw 8 ya shana maga Company maga de na Salang ni hte Sang Hka nawku hpung magam gun ni jahkrup bawngban ai hta Company kaw nna lamu ga hpe bai jaw sai lam buga masha ni kaw na chye lu ai.

Company kaw nna February 6 ya shai nhpan sa kum masat ai hpe Sang Hka mare hpung masha ni Februay 8 ya jahpawt nhpan sa run hpya kau ya ai lam nga ai rai nna lahkawng maga na Salang ni bai jahkrup bawngban ai hta nawku jawng wang lamu ga re ai majaw nawku jawng lamu ga hpe n hkra na matu dawdan ai lam, nawku hpung Amu Madu Salang Lamai Brang Seng tsun ai kaw na chye lu ai.

Ndai lamu gaw lai wa sai shaning ni hta Mya Yin Lung Seng Company kaw nna mawdaw lai lam a matu garum hpyi jai lang ai lamu ga shara re hpe mung chye lu ai.

Leave a Reply

Your email address will not be published. Required fields are marked *