Man Loi IDPs hte Namhpakka IDPs kaw Yangon Jawngma ni Lum Panyep garum jaw

Mungmyit Sinli Ga, Man Loi hpyen yen dabang hte Namhpakka Hpyen yen dabang kaw February 8 ya shani Yangon Jawngma ni Lum Panyep garum jaw ai lam na chye lu ai.

Yangon Jawngma ni shagun dat ai arung arai ni hpe Kuthkai Njawn Nbyen jawng up Saranum Mai Mai kaw nna hkap la ai re hte Namhpakka hpyen yen dabang kaw hpyen koi yen nga ai nta hting gaw 45 hpe hting gaw mi hta Lum panyep langai hpra gam garam jaw ai re hpe chye lu ai.

Lashio Edin hpung jawngma ni kaw nna mung Jawngma ni lang ai arung arai Laika buk, Hke Tan (ခဲတံ), hte Bawp Tawng (ဆပ္ျပာ) ni hte kaga arung arai ni hpe garaum jaw ai re lam Nampaka Hpyen yen Lithkam Saranum Merry Yan tsun ai.

2020 shaning ladaw laman Namhpakka hpyen yen dabang kaw garum ning tum shang ai 4 lang re hte Nampaka kaw hprawng koi yen shanu nga ai hpyen yen Mung shawa ni Camp htawt sit na matu lamu ga tam nga ai aten re hpe mung chye lu ai.

Leave a Reply

Your email address will not be published. Required fields are marked *