M.P.Hk kaw nna Nam San mare makau grup yin kaw Ja htu sha ai ni hpe hkum pat ai lam galaw

Nam San Yang mare makau Nam Pang Hka hte Nam San Hka zup lahta Lung Hkrung Jung lawu maga Ja htu sha nga ai shara ni hpe M.P.Hk (ေျမာက္ပိုင္းတိုင္း စစ္ဌာနခ်ဳပ္) matsun hte February 15 ya shani kaw nnaa Hk.M.Y (308) kata na hpyen hpung ni hkan rim zing ai lam galaw nga ai hpe na chye lu ai.

Ja htu sha shara ni hpe hkan zing ai Myen hpyen hpung ni gaw hpyen n gun 80 jan nga ai rai nna ja htu sha nga ai Ja htu jak (ေရႊေဖာင္) ni hpe hkan rim zing ai lam galaw ai hta masha nga ginsum ni hpe mung wan nat jahten kau ya ai lam galaw ai re hte bungli galaw nga ai masha ni mung tinang hkum lawt daw hprawng koi yen mat ai lam ginra masha ni tsun ai kaw na chye lu ai.

Nam San Yang mare kata gaw Myen Hpyen Dap, Dap jung nga ai shara rai nna mare hte makau grup yin shara ni hta KIA Hpyen Dap mung shara jahkrat sin hkat nga ai shara re majaw dai shara makau grup yin bungli galaw sha ai Mung shawa ni gaw lahkawng maga na hpyen hpung ni gasat gala majan byin wa na hpe hkrit tsang nga ma ai re hpe mung na chye lu ai.

Photo Credit

Leave a Reply

Your email address will not be published. Required fields are marked *