Tsang (8) jawngma langai Lungseng nhkun dingsa kaw lim si

Hpakant, Lawnghkang Mawsiza mare makau na Lungseng nhkun ding sa kaw hka sa shin ai tsang 8 jawngma langai February 22 ya shana de hka lim si mat ai lam na chye lu ai.

Hka lim si mat ai Jawngma gaw Salang Tin Maung Myint a kasha Shadang Kaung Myet Aung rai nna Lawnghkang lahta tsang jawng kaw laika hpaji sharin nga ai tsang 8 jawngma re lam na chye lu ai.

Shadang Kaung Myet Aung gaw February 22 ya shana maga de manang 2 hte rau Mawsizar mare makau Myanmar Thura company a lungseng nhkun dingsa hka lawng kaw hka sa shin ai hta lim si mat ai re hte Shadang Kaung Myet Aung a moi mang hpe shana de hkying 6 aten daram hta mare uphkang Salang ni hte mare masha ni jawm shaw la lu nna Hpakant Mung shawa tsi rung de sa da sai lam chye lu ai.

Leave a Reply

Your email address will not be published. Required fields are marked *