KIO Asuya, Tsang 10 jawng san poi awng/sum mahtai hpe May 5 ya shani ndau sa wa na

KIO uphkang ginra kata na Asuya Lahta Tsang jawng tsang 10 san poi awng/sum mahtai hpe du wa na May 5 ya shani ndau sa wa na re hpe Ginjaw Hpaji Dap kaw na chye lu ai.

2019-2020 hpaji ladaw hta Tsang 10 san poi hpe March 9 -16 ya shani du hkra htai ai hta jawngma yawng marai  669 htai ai lam nga ai rai nna, marai 4 gaw san poi laman hkring mat ai lam nga ai re hpe mung na chye lu ai.

KIO Asuya jawng Tsang 9 hte lawu na tsang shalun san poi mahtai ni hpe April shata laman hta tinang jawng hte htap htuk ai ten shale ai lam galaw sa wa na re hpe chye lu ai.

Ya aten Myen Mung Asuya a Dakasu jawng shang Tsang 10 san poi hpe htai nga dingyang rai nga ai rai nna, March 20 ya shani du hkra htai sa wa na re hpe mung chye lu ai.

Leave a Reply

Your email address will not be published. Required fields are marked *