Wunpawng Shingni Hpung Ginjaw Komitia ra lata poi hpe nhtoi htawt sit

Myitkyina, Shatapru Manau Wang kaw March 25-29 ya shani du hkra galaw sa wa na matu hkyen shajin da ai (3) lang na Wunpawng Shingni Hpung Ginjaw Komiti a ra lata poi hpe a ten n masat htawt sit kau sai lam March 17 ya shani ndau da ai hpe mu chye lu ai.

Wuhan Corona Virus ana hpe tau nau makawp maga ai hku nna Myen Mung Asuya sha n-ga makam masham hpung ni kaw nna mung masha hpawng chyawm ai lam n galaw na matu ndau da ai lam ni galaw nga sai hte maren hkan nang hkan sa ai hku nna (3) lang ngu na Wunpawng Shingni Hpung Ginjaw Komiti ra lata poi hpe aten n masat ai sha nhtoi htawt sit kau ai re lam Wunpawng Shingni Hpung Ginjaw Komoti ningbaw Lahtaw Zau Ding tsun dan ai.

Myen Mung Asuya kaw nna April 30 ya shani du hkra masha hpawng chyawm ai lam n galaw na hte hpaji jawng hpaw sharin ai lam ni, makam masham poi lamang ni n galaw na matu pat hkum da sai hte hkan sa ai lam n nga ai ni hpe Asuya kaw nna ahkyak la sa wa na re hpe mung ndau da ai re hpe chye lu ai.

Leave a Reply

Your email address will not be published. Required fields are marked *