Lawnghkang mare uphkang Salang ni hte Lungseng dut ginra Komiti ni zuphpawng galaw

Hpakant, Lawnghkang mare uphkang rung kaw March 19 ya shani mare uphkang Salang ni hte Lungseng dut ginra Komiti ni Covid-19 Corona Virus makawp maga lam hte seng nna zuhpawng galaw ai lam na chye lu ai.

Zuphpawng hta Hpakant, Lawnghkang ginra hta Covid-19 Corona Virus ana hpe tau nau makawp maga ai hku nna Lawnghkang mare kata na Lung seng dut ginlen ginra hpe April 30 ya shani du hkra pat kau na matu zuphpawng galaw ai re lam Lawnghkang mare uphkang Salang, Salang La Awng tsun ai.

Hpakant ginra hta Myen Mung masha sha n-ga Miwa amyu sha ni mung sa du let Lungseng hpaga ga nna Ja gumhpraw tam let kan bau magam bungli galaw sha nga ai ginra re majaw ya na zawn Lungseng dut ginlen shara pat kau ai majaw ginra masha ni kanbau bungli a matu myit tsang nga ma ai re hpe chye lu ai.

Hpakant ginra hta Covid-19 Corona Virus ana hpe tau nau makawp maga ai hku nna Lawnghkang, Maw Mung hte Gwi Hka mare na Lungseng dut ginlen shara ni hpe pat kau sai re lam chye lu ai.

Photo credit; EPN

Leave a Reply

Your email address will not be published. Required fields are marked *