Kawnghka KDA ni a hpyen laknak rim zing

Mungmyit Sinli Ga, Kawnghka kaw daju ai KDA Mung Shwa Makawp Maga Hpyen Dap a sinat laknak arung arai ni hpe Myen Hpyen Dap Dap Nu (တပ္မ) (99) ni sa rim zing la kau ya ai lam nga nna KDA Masat (1) Dap Ba, Loi Hkang KDA Hpyen Dap kaw na Salang nkau ni hpe mung hkang zing tawn da ai lam na chye lu ai.

Myen Hpyen Dap Dap Nu (99) na hpyen hpung ni gaw March (24) ya shana daw hkying 3:00Pm daram hta KDA Masat (1) Dap Ba hte Kawnghka KDA Ginjaw de shang wa nna KDA Hpyen Dap kata na sinat laknak ni hpe zing la kau ya nna Masat (2) Dap Ba ginra hkan na sinat laknak ni hpe mung ni nawn ai Myen Hpyen Dap ni de ap shangun ai lam ni galaw ai hpe na chye lu ai.

Ya aten Kawnghka mare kata KDA hpyen hpung ni hpe Hpyen labu hpun palawng bu hpun ai lam ni n galaw shangun ai hte mare masha ni hpe dum nta shinggan de n pru shangun ai lam ni nga ai rai nna Myen Hpyen Dap ni gaw Kawnghka mare kata hpri gang mawdaw ni hte shara shang la nga ai lam ni hpe mung chye lu ai.

Leave a Reply

Your email address will not be published. Required fields are marked *