Ding Ga Bum Ninghtawn, Kani Nanghpam Pat Jasan Hpung ni kani yi hkyen jasan bungli matut manoi shang nga

Man Win Ginra, U lang Pa ginwang daw, Ding Ga bum ninghtawn nanghpam kani shamyit shatsai ahkyak la hpung ni March 24 ya shani kaw na Kani yi hkyen jasan nga ai gaw March 26 ya shani matut manoi galaw nga ai lam ginra masha langai shana wa ai kaw na chye lu ai.

March 26 ya shani gaw Man Kawng mare na Salang Maji La Htan a Kani sun hpe hkyen jasan ai bungli galaw ai rai nna lai sai March 24 ya shani hta mung Gawk Ngu Yang mayan Myen Hpyen Dap hte ni kahtep ai shara rai nga ai Yang Wu mare na Salang Ai Seng hte Jan Ai Htawn Lu yan a sun hpe hkyen jasan ai lam galaw ai re hpe chye lu ai.

Kani sun hkai shatut ai shara hpe buga ginra masha ni kaw nna Nanghpam kani shamyit shatsai ahkyak la hpung hpe shana ai hte pat jasan bungli hpe matut manoi shang nga ai re hte dai ginra ni hta shawng daw de gaw Kani yi n nga ai shara rai nna ya mu lu ai Kani sun hpe yu yang hkai chyam ai masa nga ai ngu maram lu ai lam Man Win ginra na lit nga ai Salang langai tsun ai kaw na chye lu ai.

Leave a Reply

Your email address will not be published. Required fields are marked *