Sam Mung Wunpawng Htunghking Hpung Ramma Magam Dap Kaw Nna Mai Sau Kawng Mare Masha Ni Hpe Garum Jaw

Sam Mung, Namhpakaka Ginwang, Maisau Kawng kaw nga ai Mung shawa ni hpe Sam Mung Wunpawng Htunghking Hpung Ramma Magam Dap ni kaw nna Covid-19 ana zinli makawp ninghkap arung arai ni hpe garum jaw ai lam na chye lu ai.

“Maisau Kawng kaw nga ai Mung shawa ni gaw dai ni tam dai ni sha kan bau bugli galaw nna nga ai hta Covid-19 ana zinli a majaw bungli n mai galaw mat ai re. Malu masha a matu grai yak hkak nga ai re majaw ya hkyak hkyak ra nga ai N-gup magap, Lata kashin sappya, Covid-19 hte seng ai hpaji jaw Vinyl ni hte n-gu sa graum jaw ai re hte  Covid-19 ana hpe makawp ning hkap na hte seng ai hpaji jaw tsun dan ai lam ni galaw sai” nga nna Sam Mung Wunpawng Htung Hking Hpung Ramma Magam Dap Amu madu Saranum Lahpai Seng Ja Awng tsun ai.

Ndai Maisau Kawng mare kaw NGO uhpung uhpawng ni kaw nna sa du garum jaw ai lam grai n nga shi ai re. Ra nga ai N-gu, Jum, Sau ni hpe garum jaw ya na matu Muse Ginwang Htunghking Hpung ni hpang de hpyi sawn da ai lam mung nga  ai re hpe chye lu ai.

Leave a Reply

Your email address will not be published. Required fields are marked *