Lambraw Yang mare kaw Facility Quarantine hkam la masha du jat nga

Namti Lambraw Yang mare kaw sumtsan de na du wa ai masha ni hpe hpaji jawng kaw Facility Quarantine hkam la na matu shara masat jahkrat let galaw nga ai hta May 7 ya shana Facility Quarantine hkam la masha marai 13 bai du jat ai lam Lambraw Yang Pat Jasan Hpung kaw na chye lu ai.

Bai du jat ai ni gaw Miwa Mung Janghong hte Mai Bat kaw nna du wa ai ni re hte shawng du nga ai ni pawng, yawng marai 66 hkamja lam masam maram hkam la nga ai re hpe chye lu ai.

Namti Lambraw Yang mare kaw Covid-19 ana zinli makawp maga ai lam hpe Mare uphkang Salang ni, Hkamja Dap hte Lambraw Yang Pat Jasan ni Lata gindun let galaw nga re hte mare kata na yak hkak ai htinggaw ni hpe Lambraw Yang Amyu Shayi ni kaw nna N-gu, Jum, Sau, Shakau hte kaga malu masha ni garum jaw ai re hpe mung chye lu ai.

Photo Credit; Thomas Nhkang’FB

Leave a Reply

Your email address will not be published. Required fields are marked *