Hpakant ginra kaw hka yak nga

Hpakant ginra kaw Lu Hka hte kaga jai lang na Hka mayak nga ai majaw Mung masha ni hka yak nga ai lam na chye lu ai.

“Hpakant ginra Mawwan Kaji mare kaw mung shaning shagu hka yakhkak nga ai re hte Lanam aten ladaw hta marang hka hpe jai lang ai raitim hka yak ai lam gaw Hpakant ginra na Lungseng company ni Lungseng htu sha ai majaw re” nga nna Hpakant ginra masha langai mu mada lam hpe tsun dan ai.

Mawwan Kaji mare kaw dum nta wang kata Hka Htung htu tim hka n pru ai majaw shaning shagu hka hpe dinghkrai dut sha ai ni kaw nna mare masha ni 1 unit hta Myen gumhpraw 3000Ks jaw bang let Hka mari lang ra ai hta lai wa sai shata 2 kaw nna gaw mare uphkang rung kawn woi awn let Hka hpe 1 unit hta 1500 hte dut shabra ya nga sai lam chye lu ai.

Lungseng company law law Lungseng htu sha nga ai majaw Hpakant maw ginra hte buga mare kahtawng shagu de du hkra ladaw galai shai wa nna lamu marang htu sawng ai lam, hka kaba wa ai lam, sharut ga gyi ai lam, ginhtawng aten n du shi ai raitim hka hkyet mat ai hte lamu ga ga kaprang wa ai lam ni shaning shagu byin hkrum nga ai re hpe chye lu ai.

Photo; Credit

Leave a Reply

Your email address will not be published. Required fields are marked *