Lai Nawng Hku Mare Masha Ni Hpyen Koi Yen Ai Ten Tawn Kau Da Ai Mare Lamu Ga Ni Hpe Makawp Maga Pyen Dau Hkan Shakap

Hpyen Majan a majaw tawn kau da ai Man Wai Lai Nawng Hku mare buga ginra makau grupyin de Company ni du shang wa ai majaw Kamaing mare kaw hpyen koi yen nga ai Lai Nawng Hku mare masha ni kaw nna May 18 ya shani shanhte tawn kau da ai mare lamu ga ni hpe makawp maga ai hku nna pyendau hkan shakap ai lam chye lu ai.

Pyendau hpe mare baw mare mai hte mare a yi sun hkau na lamu ga shara , mare lamu ga gaiwang masat ai jarit ni hta hkan shakap ai re lam, mare lamu ga makawp maga komiti Slg langai tsun ai kaw na chye lu ai.

Man Wai Lai Nawng Hku mare masha ni gaw lai wa sai 2018 Ning kaw nna hpyen koi yen mat ai mare rai nna Ya aten Kamaing Htoi San Yang Lai Nawng Buga hkalup hpung wang hte Htoi San Yang RCM ( ဓမာရုံ ) shara hta hpyen koi yen shanu machyu nga ai re hpe chye lu ai.

Hpyen koi yen tawn da ai mare buga de wa nna lamu ga makawp maga ai pyen dau ni hpe hkan shakap lu na matu Kamaing Myu kata na Myen Asuya Rung ni hte U Ru Ginwang Ginjaw, Kamaing Ginwang kata na KIO Uphkang rung ni hpang de shiga shana, ahkang la rai nna galaw sa wa ai re lam, Man Wai Lai Nawng Hku mare buga lamu ga makawp maga komiti ni shana wa ai kaw na chye lu ai.

Leave a Reply

Your email address will not be published. Required fields are marked *