Hpunlum Yang hpyen yen dabang Lapran Tsang Jawng mying jahpan hpe lawk kata kaw hta la na

KIO uphkang ginra kata hpaji jawng ni hpaw sa na matu hkyen shajin ai lam galaw nga ai hta Hpunlum Yang hpyen yen dabang kaw mung jawng hpaw sa wa na matu hkyen shajin nga ai rai nna jawngma mying jahpan hpe dabang lawk kata kaw hta la na matu hkyen shajin nga ai lam hpyen yen dabang Lapran Tsang Jawng Komiti kaw na chye lu ai.

COVID-19 ana zinli hpe makawp ninghkap ra ai aten re majaw masha hpawng chyawm ai lam n byin na matu lawk komiti ni hte jawng magam gun ni kaw nna lawk kata jawngma mying jahpan hpe hkap la na matu hkyen shajin da ai lam Hpunlum Yang hpyen yen dabang Lapran Tsang Jawng Up Saranum kaba                                  tsun ai.

Hpunlum Yang hpyen yen dabang jawng kaw shawoi shaning ni hta jawngma marai 700 hte 800 lapran laika sharin hkamla nga ai rai nna, dai ning gaw COVID-19 ana zinli makawp ninghkap ten re majaw jawng laika sharin ai lam hpe jawng gawk mi hta jawngma marai (15) garan nna aten masat nhtawm tsang hte tsang sharin sa wa na lam nga ai re hta sharin Sara naw ra nga ai re hpe mung na chye lu ai.

KIO uphkang ginra kata na jawng ni hpe du wa na July praw (1) kaw na hpaw sharin sa wa na matu hkyen shajin nga ai re chye lu ai.

Leave a Reply

Your email address will not be published. Required fields are marked *