Sinpraw Ginwang Ginjaw kata hkrunlam hkawm sa lam hpe jahkring da

Sinpraw ginwang ginjaw uphkang ginra kata hta June 11 ya shani kaw nna hkrunlam hkawm sa hkawm wa lam yawng  hpe aten n masat pat kau sai lam Sinpraw Ginwang Ginjaw COVID -19 Ana Zinli Makawp Ninghkap Komiti kaw na chye lu ai.

Mai Ja Yang Gaiwang, Lak San Loi Je Ginwang daw kata kaw COVID -19 ana jep mu ai lam nga ai re majaw Sinpraw Ginwang Ginjaw kata shanu shingbyi nga ai Mung shawa ni, magam gun ni yawng COVID-19 ana zinli hpe makawp ninghkap ai lam, tup hkrak hkan sa na matu Check point shagu hta masha pru shang lam yawng hpe pat hkum da ai re lam chye lu ai.

Sinpraw Ginwang Ginjaw kata hkawm wa hkawm sa, masha pru shang jep jen ai Check point shara 9 nga ai rai nna, Mung mare masha ni hpe mung tinang a mare kata pru hkawm sa ai shaloi Mask magap nna hkawm sa na lam, gun rai htaw htinglet ai ni gaw masat da ai shara, masat da ai tara hte maren hkan sa shatup na lam hte COVID-19 ana zinli makawp ninghkap na matu masat jahkrat da ai tara ni hpe hkan sa shatup na lam ndau da ai lam nga ai re hpe chye lu ai.

 

 

Leave a Reply

Your email address will not be published. Required fields are marked *