COVID-19 Ana hte seng ai bungli ni hpe bai maram dinglik yu ai zuhpawng galaw

KIO Ginjaw COVID-19 Ana Zinli Makawp Ninghkap Komiti ni woi awn nhtawm, COVID-19 ana hte seng ai bungli ni hpe bai maram dinglik yu ai zuhpawng hpe June 10 ya shani Padang Hkrunlam Majan Masing Woi Awn Rung Zuphpawng Gawknu kaw galaw la lu sai re.

Ginjaw Ginra, Laiza Muklum, Sinpraw Ginwang Ginjaw kata COVID-19 ana hte seng nna bungli galaw taw nga ai komiti ni, Chek Point, Qurantine dabang lit nga ai ni, tatut woi awn komiti ni kaw nna bawngban dawdan la lu ai hpe Laiza ginra kaw nga ai NGO, INGO, Makam Masham hpung, Ginjaw amyu shayi ni, CSO, JST ni hpe saw shaga let, KIC Ningbaw Malai Lat Du Daju Jum Sumlut Gun Maw kaw nna sanglang dan ai lam galaw ai re.

Zuhpawng hta KIO Ginjaw COVID-19 Ana Zinli Makawp Ninghkap Komiti kaw nna htuk tawn da ai tara ni hkan sa ra ai lam ni hpe COVID-19 ana makawp maga lam hta tatut woi awn galaw nga ai ni a bungli ni hpe grau htuk manu hkra galaw sa wa na lam hte seng nna bawngban ai re lam COVID-19 Ana Zinli Makawp Ninghkap Komiti Amu Madu, Du kaba Lahpai Hing Wawm tsun ai kaw na chye lu ai.

Bawngban la lu sai lawnglam ni hpe kaga wuhpung wuhpawng ni hpe ra ahkyak ai ten hta matut mahkai nna jawm galaw sa wa na lam, jawng hpaw na lam hte seng nna hkyen shajin ai ni hpe matut galaw sa wa na re lam COVID-19 Ana Zinli Makawp Ninghkap Komiti kaw na chye lu ai.

Leave a Reply

Your email address will not be published. Required fields are marked *