COVID -19 ana zinli makawp ninghkap ai ten tara hkan sa shatup na matu ninghtoi jat masat ai lam

COVID-19 ana zinli makawp ningkap gasat ai ten, KIO uphkang ginra kata shawoi na hta grau nna tara matut hkan sa na matu June 30 ya du hkra nhtoi bai jat masat da ai lam chye lu ai.

COVID -19 ana zinli makawp ninghkap ai tara hpe matut nna hkan sa shatup na matu June 11 ya hta galaw ai Ginjaw Komiti zuphpawng hta dawdan da ai rai nna, KIO uphkang ginra kata nga ai Mungchying Mung shawa hte magam gun ni yawng hpe June 15 ya du hkra ana makawp ninghkap tara hkan nang hkan sa na matu ninghtoi masat da ai lam nga ai. Ana zinli tsang ra ai sat lawat naw byin nga ai re majaw nhtoi bai jat masat ai re lam chye lu ai.

KIO uphkang ginra kata June 12 ya shani Quarantine hkamla ai masha marai (200)  nga ai rai nna ana kap hkrum ai masha n nga shi ai hpe chye lu ai.

Leave a Reply

Your email address will not be published. Required fields are marked *