Myitkyina, Manau Wang hpe COVID-19 ana zinli a majaw pat da

Myitkyina, Shatapru Manau Wang kata hkawm chyai ai Mung masha ni hta COVID-19 ana zinli kap bra ai lam n nga hkra makawp maga ai hku nna Manau wang kata hkawm chyai ai lam hpe aten n masat ai sha pat kau sai re lam chye lu ai.

Loi Je shagyit kaw lai ai masha ni hpe hkamja lam jep ya ai tsi magam gun langai gaw Myitkyina, Dakkasu jawng kaw tsang 10 san poi mahtai pa jep ai jawng Sara wa a dum nta kaw 2 ya sa manam ai hpang dai tsi sara kaw COVID-19 ana kap hkrum ai lam chye lu ai majaw Myitkyina ginra kata nga ai Mung masha ni hte manau wang kaw nga ai Volunteer ni hta ana zinli n kap na matu manau wang hpe aten n masat ai sha  pat hkum kau ai re lam chye lu ai.

Jinghpaw Mung kaw COVID-19 ana kap hkrum ai masha hpe bai jep mu ai majaw Myikyina muklum kata na Mung masha ni hte Myitkyina Dakkasu jawng wang hta tsang 10 mahtai pa jep nga ai Asuya magam gun jawng Sara, Saranum ni mung myit tsang nga ai lam chye lu ai.

photo; from google

 

Leave a Reply

Your email address will not be published. Required fields are marked *