Myitkyina Muklum kata Ka-ni nanghpam dut lu dut sha masha law wa

Myitkyina Muklum kata hta COVID-19 ana zinli sadi maja nga ai ten nanghpam dut lu dut sha ai lam ni grau na law jat wa ai hpe Myitkyina ginra Pat Jasan hpung kaw na chye lu ai.
“COVID-19 ana zinli byin nga ai a majaw Pat Jasan hpung ni bungli shang na matu yak nga ai re. June 15, 16 ya hkan pat jasan bungli shang na matu masing jahkrat da ai raitim Myen Mung Asuya kaw nna COVID-19 ana makawp ninghkap tara hpe June 30 ya du hkra nhtoi masat jat ai majaw bungli matut galaw na matu yak nga ai” nga nna Myitkyina ginra Pat Jasan magam bungli ta tut woi awn ningbaw Sara Kyang Bawm tsun ai chye lu ai.
Myo mare kata COVID-19 ana zinli a majaw Pat Jasan hpung ni bungli matut galaw na matu yak nga ai raitim ni nawn ai ginra ni hta gaw Ka-ni nanghpam lu sha masha hte dut lu dut sha masha ni hpe rim ahkayk la ai lam galaw nga ai re hpe mung tsun ai.
Lai wa sai May 23 ya shani Ka-ni nanghpam lu sha masha marai 12 hpe Chang Mu Ka-ni nanghpam dawn dabang de sa da sai re hte masa hta hkan nna pat jasan magam bungli hpe galaw sa wa na re lam chye lu ai.

Leave a Reply

Your email address will not be published. Required fields are marked *