COVID-19 ana makawp arung arai Myi man magap ( Face shields ) galaw.

Mawmaw ginwang Ebyu buga hpung masha ni hte Volunteer ramma ni  pawng hpawm nna, COVID-19 ana makawp maga arung arai Myi man magap ( Face shields ) galaw ai lam na chye lu ai.

Ebyu buga hpung kata COVID-19 ana makawp arung arai galaw ai lam hpe  Buga hpung kaw na sha, woi-awn galaw ai re hte Galaw shapraw ai ana makawp maga arung arai ni hpe Manmaw tsi rung, Laiza tsi rung hte Mai Ja Yang tsi rung ni de garum jaw lu na matu re hte June 11 ya shani Loi Je kaw Postive byin ai masha nga ai majaw Ni nawn ai tsi rung ni hta jai lang lu na matu galaw nga ai re lam Manmaw Rubert Volunteer Hpa-awn Hpaujang Brang San tsun ai kaw na chye lu ai.

COVID-19 ana makawp maga arung arai galaw ai lam a yaw shada ai lam gaw “hkamja lam a matu tatut shakut nga ai ni shanhte machyi mat jang gaw anhte mung hkra machyi ai. Dai re majaw gaw ndai hkamja lam a matu shakut nga ai ni hpe dangdi dang dep ai hku nna, makawp maga ai lam langai mi lu la u ga ngu nna, karum ya ai lam rai nga. shanhte machyi makaw hkrum mat wa jang anhte Mung shawa de grau hkra wa ai le dai hpe myit tau nna, karum ya ai lam re” nga nna Manmaw Rubert Volunteer Hpa-awn Hpaujang Brang San tsun dan ai.

Ebyu buga ginra kata COVID-19 ana makawp maga ai lam hpe  Manmaw Rubert Volunteer hpung ni hte Asuya ni ta gin dun nna, tsi gat ai lamang ni hpe mung ding yang galaw nga ai lam shi sawk Myu ring tang madun da ai.

Leave a Reply

Your email address will not be published. Required fields are marked *