COVID-19 Ana Jep Mu Lu Ai Tsi Saranum Kaw Makawp Maga Tsi Htu Hkamla Ai Mungshawa Ni Ya Aten Qurantine Hkamla Nga

Loi je, Wing Hkam kaw na covid 19 ana jep mu ai tsi saranum kaw makawp maga tsi sa htu hkamla ai Loi Je makau grupyin na mungshawa marai (70) jan gaw ya aten san tawn ai quarantine dabang ni hta qurantine hkam la nga ai lam Ginjaw COVID-19 ana zinli makawp ninghkap komiti kaw na chye lu ai.

Ndai mungshawa marai (70) jan hta ma kaji ni, Ma hkum byin ai kanu num ni law malawng rai nna, naw ngam ai Loi Je Wing Hkam kaw makawp maga tsi sa htu hkam la ai mungshawa ni hte shanhte a dum nta masha ni, shanhte hte hkrum shaga hkrup ai mungshawa ni hpe mung matut sawk sagawn nga dingyang rai nga ai lam COVID-19 ana zinli makawp ninghkap komiti Slg. ni kaw na, chye lu ai.

Qurantine hkamla nga ai mungshawa ni hte matut sawk sagawn lu ai mungshawa ni hpe COVID-19 ana zinli jep chyoi ya ai lam galaw na matu mung hkyen shajin nga ai lam chye lu ai.

Sinpraw Ginwang Ginjaw kata Mai Ja Yang Qurantine dabang hte Manmaw Ginwang Lana Zup Ja Qurantine dabang lahkawng hpaw nna COVID-19 ana zinli makawp ninghkap ai lam hpe galaw nga ai hta ya aten Qurantine hkamla nga ai masha marai ( 100 ) jan nga ai re hpe mung na chye lu ai.

Leave a Reply

Your email address will not be published. Required fields are marked *