Nsang Awng La kaw COVID-19 Ana jep mu

MMA Ginsup Ninghkring, Nsang Awng La kaw COVID-19 ana jep mu ai lam shi a Facebook laika man hta July (3) ya shani ndau da ai hpe mu chye lu ai.

Lai wa sai 2, 3 ya daram kaw na hkum loi nga n pyaw wa ai, hkum makret machyi wa ai, jahkring hkring ba ai lam, nsa sa chyat wa ai lam nga ai majaw June (29) ya shani COVID-19 ana jep yu ai shaloi June (3) ya shani ana jep mu ai re nga nna ka mara da ai re.

Ya aten Nsang Awng La hte shi a nta masha ni yawng gaw shanhte nga ai American Munghpawm Mungdan, Marryland Mungdaw, Bawtimaw muklum na shanhte a dum nta kaw nhtoi (14) ya Quarantine hkamla magang sai re hpe chye lu ai.

American Mungdan gaw mungkan ting hta COVID-19 ana zinli law dik byin hkrum nga ai mungdan rai nna, Ana jep mu lu ai masha Wan lahkawng sen matsat jan nga ai re hpe chye lu ai.

Nsang Awng La gaw MMA Ginsup hpan hta Mungkan madang hku One Middle Weight hte One Light Heavy Weight Champion rai nna dai ning na Fighters Only Magazine a World MMA  Awards kumhpa shagrau poi hta “International Fighter of the Year” kumhpa a matu maram da ai kaw lawm ai re hpe mung chye lu ai.

Leave a Reply

Your email address will not be published. Required fields are marked *