Gai Daw mare kaw masha sat amu byin

KIO uphkang ginra rai nga ai Manmaw Ginwang, Nba Pa Ginwang daw kata, Gai Daw mare kaw shanu nga ai Salang Yaku Langzing Tang Gun Asak (35) ning hte Madu jan Sumlut Htu Nan Asak (37) ning, dum nta masha ni marai (5) hpe July shata 3 ya jahpawt hkying 2:00Am daram hta shanhte a dinghku dum nta kaw kadai re n chye ai masha ni shang adup kayat sat hkrum ai lam chye lu ai.

Dai masha sat amu manghkang hpe seng ang, lit nga ai KIO magam gun ni kaw nna n tsen n hten ai masha La marai 2 hpe July shata 3 ya shani hkying 12:00 daram hta mu tam rim la nna ya ten Manmaw Ginwang Uphkang Rung kaw masha sat amu hpaw nna jepchyoi nga sai lam na chye lu ai.

Dai amu manghkang a teng man ai mabyin hte gara hku matut jep sagawn nga ai lam, Tara Rung a dawdan je yang ai lam ni hpe matut sawk sagawn tang madun na ga ai.

Photo; RVA Kachin

Leave a Reply

Your email address will not be published. Required fields are marked *