MIEd jawng hpe August shata kaw nna hpaw na

Sinpraw Ginwang Ginjaw, Mai Ja Yang kaw hpaw sharin nga ai Mai Ja Yang Institute of Education (MIEd) a 2020-2021 jawng lung ladaw hpe August 3 ya shani kaw nna hpaw sa wa na re ndau da ai hpe chye lu ai.

Maga Yang, Sha-it Yang, Pajau, Laiza Muklum makau grup yin, Dumbung, Nhkawng Pa, Nba Pa hte Mai Ja Yang grup ying hkan na MIEd jawng lung na matu mying bang da sai jawngma ni gaw July 28-30 ya, n hpang hkrat ai sha jawng de du ra na re hte Quarantine n shang ra ai lam seng ang ai COVID-19 Ana Zinli Makawp Ninghkap Komiti kaw nna ana n kap ai lam laika pa lawm sa ran a re hpe mung ka da n dau da ai re.

KIO COVID-19 Ana Zinli Makawp Ninghkap Komiti ni yu reng ai ginra kaw na n re ai jawngma ni gaw E-Div COVID-19 Ana Zinli Makawp Ninghkap Komiti ni lajang da ai Quarantine dabang kaw Quarantine hkam la ra na re majaw July 15-19 laman n hpang hkrat ai sha du wa ra na re hte N-gup magap (Mask) hte Lata kashin Sapbya (ဆပ္ျပာ) ni hpe mung dangdi ai daram la sa wa ran a re hpe mung mu chye lu ai.

Jawng lung ladaw hpe shaning shagu June kaw nna October shata hta kalang, December hta kalang, December kaw nna April bat masum daram du hkra kalang, masat da ai rai tim dai ning gaw COVID-19 a majaw August de htawt sit masat ai re hpe mung chye lu ai.

Photo; MIEd (60 lang na KIO Rawt Malan Nhtoi)

 

Leave a Reply

Your email address will not be published. Required fields are marked *