KHCC hte Myen Mung Asuya ni hkrum zup bawngban hpawng galaw

Hpyen Yen Lakawn Zinlum Komiti (KHCC) ni, Myen Mung Asuya lit nga ai ni hte NRPC(IDPs) Working Komiti ni July.10 ya shani Nay Pyi Daw kaw Jinghpaw Mungdaw hte Mungmyit Sinli Ga (Northern Shan State) hta shanu nga ai hpyen yen ni shim lum ai hte nta buga de wa lu na matu hkrum zup bawngban hpawng galaw ai lam chye lu ai.

Hpyen yen Mung shawa ni shimlum ai hte dum nta buga de wa lu na lam, Mungdaw Asuya ni hku nna mung IDPs wa na lam hpe ta tut hkrang shapraw wa ai shaloi masan sa hkra, KHCC hte jahkrup nna galaw na lam ni hpe madung bawngban ai lam KHCC Ningbaw Rev. Dr. Hkalam Samson tsun ai.

Hpyen yen Mung shawa ni a matu nta buga de du wa ai shaloi wa nga na matu dum nta nga shara ni hpe gawgap hkyen lajang ngut ai lam, shimlam lu ai ten du ai hte tara shang wa shangun na lam hte lai wa sai bat 2 aten daram hta sha No.1 lang hpyen yen htinggaw 10 hpe mare bunga de wa sa ai lam ni galaw sai re hpe chye lu ai.

Photo; KBC Kachin

Leave a Reply

Your email address will not be published. Required fields are marked *