Gai Daw mare na masha sat amu manghkang hpe jep chyoi ai lam ngut wa sai

Sinpraw Ginwng Ginjaw, Manmaw Ginwang, Nba Pa Ginwang Daw, Gai Daw mare kaw na masha sat amu manghkang hpe jep chyoi nga dingyang rai nga ai hta du wa na 2, 3 ya laman mahtai shapraw lu na re lam ndai amu hpe lit la jep chyoi nga ai Manmaw Ginwang lit nga Salang ni kaw na chye lu ai.

Ya aten du hkra rai yang masha sat ai amu manghkang shabyin ai masha marai 3 hpe Manmaw Ginwang ni jep chyoi nga dingyang rai nna ya na zawn masha law law hpe sat kau ai kata lam mabyin ni hpe sawk sagawn jinghkum nna ntsa tsang ni a matsun hta hkan nna galaw sa wa na re lam Manmaw Ginwang na lit nga ai Salang langai tsun ai.

Sat kau hkrum ai masha ni gaw Salang Yaku Langzing Tang Gun hte Ningrum Ningtau Jan Sumlut Htu Nan yan nu wa ni marai (5) rai nna, Ndai amu manghkang a mabyin ningpawt gaw, kaji kawoi prat kaw na galaw sha nga ai lamu ga manghkang a majaw re lam hpe mung matut chye lu ai.

Ndai amu manghkang hta KIO magam gun ni hte hkridun ai lam n nga ai hte Mare buga masha shada byin ai manghkang re hpe mung sagawn chye lu ai.

Photo; RVA Kachin

Leave a Reply

Your email address will not be published. Required fields are marked *