Sam Mung Kutkai ginra na hpyen yen ni malu masha yakhkak nga

Mungmyit Sinli Ga, Kutkai Ginwang, Nahkyem Buga kaw shanu nga ai hpyen yen Mung shawa ni malu masha yak nga ai lam chye lu ai.

“Nahkyem buga na Mung shawa ni gaw Ga Leng, Kutkai de hpyen yen mat wa ai raitim tinang a buga ginra de sha yi sun ni bai wa galaw sha let nga ai hta hpyen masa n hkrak wa ai ten Myen Hpyen Dap kaw nna Mung masha ni hpe pawta (ေပၚတာ) lahkawn ai lam nga nna du sat yam nga ni hpe sat sha kau ya ai lam ni byin hkrum nga ai” nga nna dai ginra na garum ningtum uhpung uhpawng lit nga ai Salang langai tsun ai.

Nahkyem buga ginra hta Jinghpaw, Balawng, Sam hte Miwa hpan hkum nga ai re rai nna nhprang sut rai pru ai ginra n re majaw dai ginra na mung shawa ni law malawng yi, sun, hkauna hkai lu hkai sha ai lam hpe sha madung dat galaw sha nga ai re hpe chye lu ai.

Leave a Reply

Your email address will not be published. Required fields are marked *