Putao Ginwang Kata Na Mare Kahtawng (10)Jan Hpe Lock Down Dawm

Lock Down Tara Masat da ai Putao Ginwang kata na mare kahtawng (10) jan hpe January (21) ya shani kaw nna Lock down tara dawm dat ai lam, Putao Ginwang Covid 19 ana zinli makawp ninghkap komiti kaw na chye lu ai.
Lock down tara bai dawm dat ai lam gaw, Tinang ginwang de du lagu shang ai bu hkawm masha marai (3) hpe Quarantine tawn nhtawm Covid-Antigent Tesk Test hte ana jep yu yang ana jep mu ai lam nnga ai majaw, Lock down tara hpe bai dawm dat ai re lam chye lu ai.
Lock down nhtoi hpe January (15) ya shani kaw nna January (28)ya shani du hkra, Htingnan mare, Hka Hpawang mare, Putau Ginwang Daw, Warum Hku, Lung wang mare, Dum Gan mare, Gawn Kahtawng, Hkindu yang, Um dingsa, Bumnoi mare, Seng taw mare, Bum wang mare hte masat (7) dap dung ni hpe lock down jahkrat da ai raitim, January (21) ya shani kaw na hpang nhtawm, Lock down tara hpe bai dawm kau sai lam chye lu ai.
Putao ginwang kata de du shang ai bu hkawm masha ni hpe san da ai Quarantine Dabang ni hta hkamja lam masam maram hkamla nna hkawm sa hkawm wa ahkang jaw nga ai re lam Putao Ginwang Covid 19 ana zinli makawp ninghkap kaw na chye lu ga ai.

Leave a Reply

Your email address will not be published. Required fields are marked *