KIA Masat (4) Dap Ba ginra shara lahkawng kaw gasat poi byin.

Mungmyit Sinli Ga, Kachin Sub-state, KIA Masat (4) Dap Ba Ginra hta April (7) ya shani KIA hte Myen Hpyen Dap ni shara (2) kaw Gasat Poi byin ai lam chye lu ai.

Kutkai kaw nna yu wa ai Myen Hpyen Dap Mawdaw (4), KIA ni nga ai shara de shamu shamawt shang wa ai majaw, Man Ping mare baw kaw KIA Masat (39) Dap Nawng Dap Dung ni hkap shingla gap gasat ai kaw nna gasat poi byin wa ai lam chye lu ai.

KIA Masat (8) Dap Dung Ginra Mung Yu hte Lun Gan lapran kaw mung, shani hkying 1:30 aten daram hta Myen Hpyen Dap Hk.M.Y (427) kata na Hpyen Hpung ni lagaw lam hku nna KIA ni nga ai shara de htu shadut lung wa ai majaw KIA Masat (8) Dap Dung kata na Hpyen Hpung ni hkap shing la gap gasat ai kaw nna gasat poi byin wa ai lam, shawnglam na Lit nga ai salang langai tsun ai kaw na chye lu ai.

 

Leave a Reply

Your email address will not be published. Required fields are marked *