KIO Asuya Hpaji Jawng Tsang Shi San Poi Htai Na Jawngma (800) Jan Nga

KIO Asuya lahta tsang jawng a 2020-2021 hpaji ladaw, tsang shi san poi shang na shawk shawn da ai jawngma yawng marai (870) jan nga ai lam Ginjaw Hpaji Dap kaw na chye lu ai.

San poi hpe du wa na April shata (12) ya shani kaw nna san htai sa wa na matu hkyen shajin da ai lam chye lu ai.

KIO Asuya lahta tsang jawng Tsang (10) san poi htai na shara ni gaw, Alen Bum Lahta Tsang Jawng, Laiza Lahta Tsang Jawng, Mai Ja Yang Lahta Tsang Jawng, Nba Pa Lahta Tsang Jawng, Mungmyit Sinli Lahta Tsang Jawng ni hte N gum La Lahta tsang jawng ni hta htai galaw na lam chye lu ai.

San poi htai na ginhpan ni gaw, April (12) ya shani Jinghpaw Laika, April (13) ya shani Myen Laika, April (14)ya shani Physic hte History, April (15) ya shani English April (16)ya shani hte Chemistry hte Geogrophy, April (17) ya shani Bio hte Eco, April (19) ya shani Mathematics ni hpe htai sa wa na re lam chye lu ai.

 

Leave a Reply

Your email address will not be published. Required fields are marked *