Mogawng Ginra, Loi Li Yang Mare Ding Sa Kaw, KIA Hte Myen Hpyen Dap Ni Gasat Poi Byin

KIA Masat (2) Dap Ba, Masat (11) Dap Dung ni hte Myen Hpyen Dap ni April (8) ya shana hkying (8:30) aten daram hta Mogawng Ginra, Loi Li Yang Mare ding sa kaw gasat poi byin ai lam chye lu ai.

Myen Hpyen Dap ni gaw Hpyen Mawdaw (3) hte Mogawng kaw nna shamu shamawt lung wa ai hta KIA Masat (11) Dap Dung ni hkap shingla gap gasat ai kawn gasat poi byin wa ai nga nna shawng lam na lit nga ai salang langai tsun ai kaw na chye lu ai.

Hkang Kai Bum kaw Dap jung nga ai, Myen Hpyen Dap Hk.L.Y (142) dap ni kaw nna KIA masat (5) Dap Ba, Masat (24) Dap Dung Ginra de (105) MM (8) lang gap bang nna, Hka Ya Bum kaw dap jung nga ai Myen Hpyen Dap ni mung, Tsin Yu Bum mada de (81) MM (2) lang gap bang ai lam chye lu ai.

KIA Masat (27) Dap Dung Ginra, Maji Gung kaba kaw shara jahkrat nga ai Myen Hpyen Dap ni mung, Ding Sing maga de (105) MM (2) lang gap bang ai lam nga ai re lam chye lu ai.

 

Leave a Reply

Your email address will not be published. Required fields are marked *