Kamaing Lahta Ma-U Pin Hte Chyauk Htu Lapran Kaw Gasat Poi Byin

KIA Masat (9) Dap Ba, Masat (44) Dap Dung Ginra, Kamaing lahta Ma-u Pin hte Chyauk Htu lapran kaw, April (9) ya shani KIA hte Myen Hpyen Dap ni Gasat Poi byin ai lam chye lu ai.

Myen Hpyen Dap ni gaw Kamaing kaw nna Ma-U Pin mare maga de shamu shamawt lung wa ai majaw KIA Masat (44) Dap Dung kata na Hpyen Hpung ni hkap shingla gap gasat ai kaw nna gasat poi byin wa ai lam chye lu ai.

KIA Masat (5) Dap Ba, Masat (25) Dap Dung Ginra, Nawng Gawn hte Hpa Ke lapran kaw shara jahkrat nga ai Myen Hpyen  Dap Laknak Kaba (366) Dap hte KIA Masat (24) Dap Nawng Dap Dung ni April (9) ya jahpawt Gasat Poi Byin nga ai  hpe   mung chye lu ai.

Dai shani hta sha Jambu Post kaw, dap jung shara jahkrat nga ai Myen Hpyen Dap Hk.L.Y (238) ni kaw nna mung KIA Masat (43) Dap Dung maga de 60 MM (5) Lang gap bang ai lam chye lu ai.

 

Leave a Reply

Your email address will not be published. Required fields are marked *