Ka-Ni Hpaga Masha Ni Hpe Lu Rim.

Gang Dau Yang ginwang daw, Mali Ninghtawn kata hku nna ka-ni htaw shalai wa ai Kani hpaga masha marai (8) hpe dai ginra kaw shim lam la nga ai KIA hpyen hpung ni April (11) ya shani lu rim ai lam na chye lu ai.

Dai ka-ni hpaga masha ni gaw Na Hpaw Bum Myen Hpyen Dap Tat-Yin-Mu wa a Pajero mawdaw hte yu wa ai La marai (6) Num marai (2) hpe ntsen nhten ai majaw san jep ai shaloi Ka-ni Katsing joi (12) rawng (4) jep shapraw lu ai re lam chye lu ai.

Ka-ni hpaga masha ni gaw, Myen hpyen magam gun n re ai အောင်မြေ(၁)  အောင်မြေ (၂) na mungmasha ni re majaw, Laiza Ginwang Uphkang Rung de ap sai lam, Gang Dau Yang Ginwang Daw magam gun ni kaw na chye lu ai.

 

Laiza Ginwang uphkang rung kaw nna mung dai ka-ni hpaga masha marai (8) hpe san jep ra ai lam ni san jep la nhtawm Ginjaw Ka-ni Nanghpam Pat Jasan komiti de ap dat sai lam na chye lu ai.

Leave a Reply

Your email address will not be published. Required fields are marked *