Alaw Bum mayan kaw gasat poi matut byin.

KIA Masat (5) Dap Ba Ginra, Alaw Bum makau grup yin, Myotit Mare, Salawng Kawng kaw dap jung nga ai Myen Hpyen Dap ni hte KIA Hpyen Hpung ni April (12) ya jahpawt hkying (5:30) aten daram kaw nna Gasat Poi byin ai lam na chye lu ai.

Gasat Poi byin ai ten Kung Law de na Myen Hpyen Dap ni Bum Chyang maga de laknak kaba gap bang ai lam nga ai sha n-ga April (11) ya shani kaw nna Alaw Bum mayan de, Myen Hpyen Dap ni Jet Fighter nbungli hte lani mi lahkawng masum lang dabat nna bawm sa jahkrat bun ai lam shawnglam na lit nga ai ni shana wa ai kaw na chye lu ai.

Dai shani hta sha KIA Masat (1) Dap Ba, Masat (10) Dap Dung Ginra kaw mung Mali Yang Maga de na Sum Pra Bum Maga de lung wa ai Myen Hpyen Dap ni hte KIA Hpyen Hpung ni gasat poi byin ai lam chye lu ai.

KIA Masat (9) Dap Ba, Masat (44) Dap Dung Ginra, Gawlu Yang Mare makau kaw mung Nam Ya Mare kaw nna Hpakant de shamu shamawt lung wa ai Myen Hpyen Dap ni hte KIA ni gasat poi byin ai lam na chye lu ai.

Leave a Reply

Your email address will not be published. Required fields are marked *