Myen Hpyen Dap Ni, Alaw Bum makau grup yin de laknak kaba matut manoi gap.

KIA Masat (5) Dap Ba ginra Alaw Bum makau grup yin de April (13) ya jahpawt hkying (6:00) aten daram kaw nna Daw Hpum Yang, Numlang Mare kaw nga ai Myen Hpyen Dap ni, laknak kaba ni gap ai lam nga ai sha n-ga Jet Fighter nbungli ni hte mung bawm (16) lang daram sa jahkrat ai lam chye lu ai.

April (13) ya jahpawt hkying (3:30) aten daram hta mung KIA Masat (3) Dap Ba Ginra, Maji Gung Kaba kaw na Myen Hpyen Dap ni Ding Sing maga de 105 MM gap bang nna Kai Htik kaw shara jahkrat nga ai Myen Hpyen Dap ni mung Hpun Du Bum maga de si nat kaji gap ai lam na chye lu ai.

April (12) ya shani Myen Hpyen Dap ni gap dat ai laknak kaba si wa hkrat kapaw nna KIA Masat (5) Dap Ba ginra na Mungmasha ni hkra hkala ai lam, asak si sum ai lam ni byin hkrum ai sha n-ga Miwa hkran Gaban Yang grup yin de mung 105 MM (6) lang wa hkrat ai lam na chye lu ai.

Myen Hpyen Dap maga na laknak kaba ni gap shadam ai lam, nbung li bawm sa jahkrat bun ai lam ni matut manoi naw galaw nga ai majaw gasat poi naw matut byin wa mai ai lam shawng lam na lit nga ai salang ni tsun nga ma ai re.

  

Leave a Reply

Your email address will not be published. Required fields are marked *