Wunpawng Mungdan Shanglawwt Hpyen Dap, shawng lam ginra ni hta gasat gala byin.

Wunpawng mungdan Shanglawt Hpyen Dap Masat (5) Dap Ba ginra Salawng Kawng mayan kaw May (11) ya shana de daw hkying 2:00 aten daram kaw nna Wunpawng Mungdan Shanglawt hpyen hpung ni hte Myen Hpyen gumshem ni gasat poi bai byin ai lam na chye lu ai.
Jahpawt daw hta Da Seng mare makau Nawng Hpa ngu ai shara kaw Minutes (30) daram gasat poi byin ai. Wunpawng Mungdan Shanglawt Hpyen Dap Masat (25) Dap Dung makawp maga ginra, Alaw Bum maga de shani 10:30 daram kaw nna shani ka-ang ten laman Hpyen Nbung Li lahkawng hte numdaw masum lang wa gap gasat ai lam nga ai.
Wunpawng mungdan Shanglawt Hpyen Dap Masat (3) Dap Ba, Masat (15) Dap Dung Ginra, Kadaw Mandat Bum hte Masat (27) Dap Dung Ginra, Madang Yang kaw May (11) ya shani gasat poi byin ai nna, Madang Yang kaw gaw Jet Nbung Li lahkawng hte wa gap gasat ai lam mung nga ai.
Lahta Sammung, Mungmyit Sinli Ga Ginra, Wunpawng mungdan Shanglawt Hpyen Dap Masat (4) Dap Ba, Masat (6) Dap Ba hte Masat (10) Dap Ba Ginra nkau ni hta mung gasat poi ni byin nga ai lam na chye lu ai.

Leave a Reply

Your email address will not be published. Required fields are marked *