Myen Hpyen Gumshem Ni, Mungshawa Ni Hpe Lagaw Lata Du Shagyeng Shakat Sawk Jep Ai Lam Galaw

Myitkyina, Alam hte Dum Gan lapran kaw Myen hpyen gumshem hpyenla ni May (11) ya shani lai wa lai sa mungshawa ni hpe Sinat hte madi shagyeng san jep, sawk jep nga ai lam, Buga masha ni shiga shana ai  kaw na chye lu ai.

Myen Hpyen gumshem hpyen la ni gaw lai wa lai sa masha ni hpe sinat madi da nhtawm, Hput Di Di da shangun nna, mawdaw sengke ni hpe adup jahten kau ya ai lam, mara kata Dung Rawt galaw shangun nna, n galaw ai ni hpe du manat, sinat hte abyen ai lam ni galaw ai nga nna, Dai Ginra na Salang langai tsun ai.

Dum Gan mare lai, Lung Ga Zup shang wa ai shara kaw mung dai hte maren lai wa lai sa mungshawa ni hpe shagyeng shakat san jep zingri nga ai lam galaw nga ma ai nga nna  Buga masha ni shana  wa ai.

 

Leave a Reply

Your email address will not be published. Required fields are marked *