Mai Ja Yang Amyusha College Kaw Jawng Lung Ladaw Nnan A Matu Shawk Shawn Form Hpe Hkap La

Sinpraw Ginwang Ginjaw, Mai Ja Yang Ung Lung Lawk kaw hpaw sharin nga ai Mai Ja Yang Amyusha College jawng hta 2021-2022 Jawng lung ladaw shawk shawn Form hpe May (11)ya shani kaw nna hkap la hpang nga sai lam Mai Ja Yang Amyusha College Jawng a  ndau laika kaw na chye lu ai.

Jawng shawk shawn form hpe Mai Ja Yang Amyusha college Facebook laika man kaw lu la mai ai hte dai shawk shawn form ni hpe jawng a online hkringdat hku nna rai rai, jawng de adingtawk shadu ai hku rai rai shawk shawn form shagun wa mai ai lam mung ka shalawm da ai.

Shawk Shawn Form ni hpe Ginjaw Hpaji Dap kaw mung lu la mai ai hte, May shata htum du hkra shawk shawn form hkap la na re hpe chye lu ai.

June (7)ya shani gaw Jawngma nnan ni hpe Jawng shang sanpoi san jep ai lam galaw na rai nna, 2021-2022 jawng lung ladaw hpe June (8)ya shani kaw nna hpaw sharin hpang sana re lam ndau da ai.

 

 

Leave a Reply

Your email address will not be published. Required fields are marked *