Masat Yan (10) Nursing Diploma Hte Shangai Chyinghkai Midwife Jawng Hta Sharin Hkam La Na Ramma Ni Hpe Hkap La Nga

Wunpawng Mungdan Shanglawt Asuya, Ginjaw Hkamja Dap kaw nna hpaw sharin nga ai Tsi Jawng hta Masat Yan (10) Nursing Diploma hte Masat Yan (10) shangai chyinghkai Midwife hpaji sharin hkam la na ramma  ni hpe hkap la nga sai.

Tsi jawng hpe June praw (1)ya shani kaw nna hpaw sharin hpang na re majaw  May (25) ya shani hpang n hkrat ai jawng de du hkra sa wa ra na re  lam Tsi Jawng Up, Sarawun Sumdu Htu tsun ai.

“June praw (1)ya shani jawng hpaw hpang na re majaw, Jawnglung na ni yawng hpe hkamja lam jep ai lam, COVID-19 ana zinli makawp maga tsi htu ai lam ni  hte kaga hkyen  shajin ra ai lam ni nga ai majaw May (25)ya hta hpang n hkrat ai sha du du rai ra  na re”

Nursing Diploma hta laika Hpaji tsang shi awng ai ni hte Midwife hta Hpaji Tsang shi htai ga nna, tsi hpaji hta  myit lawm ai asak (18) ning hte (30) ning lapran na ramma ni hpe hkap la nga ai. Ya aten ramam marai (100) jan du magang nga sai lam tsi jawmg up saranum tsun ai.

 

Leave a Reply

Your email address will not be published. Required fields are marked *